प्रेस विज्ञप्ती
युनाईटेड क्लव पोखराको आयोजनामा आगामी पुष २८ देखि माघ ९ गते सम्म आयोजना हुने भनिएको एघारौ संस्करणको पोखरा महोत्सव अर्को सुचना नआइन्जेलसम्म स्थगित गरिएको जानकारि गराउदछौ । स्वास्थ्य क्षेत्रमा समेत काम गर्ने हाम्रो क्लवको उद्देश्य रहेकोले जनस्वास्थ्य प्रति उत्तरदायित्व वहन गर्नु हाम्रो कर्तब्य पनि हुन आउछ । तसर्थ नेपाल सरकारको कोभिड १९ संकट ब्यवस्थापन समन्वय केन्द्र (सीसीएमसीसी) को बैठकले सार्वजनिक स्थलमा २५ जना भन्दा बढी भेला हुन रोक लगाउने निर्णयलाई पूर्ण रुपमा पालना गर्दै एघारौं संस्करणको पोखरा महोत्सव अर्को सुचना नआइन्जेल सम्मका लागि स्थगित गरिएको यहांहरुलाई जानकारी गराउदछौ ।
महोत्सवलाई सफल बनाउन सहयोग गर्ने महोत्सवको मुख्य प्रायोजक, उप प्रायोजक, प्रायोजक, सहयोगी संस्था, मिडिया पार्टनर, प्रवद्र्धक, अफिसियल संघ सस्थाहरु, जिल्ला प्रशासन कार्यालय कास्की, जिल्ला प्रहरी कार्यालय कास्की, पोखरा महानगरपालिका लगायत सहयोग गर्ने सम्पूर्ण प्रति हार्दिक आभार प्रकट गर्दै समय अनुकुल भएपछि हामी महोत्सव सञ्चालन गर्ने यहांहरुलाई जानकारी गराउदछौ ।
महोत्सवमा बुक गरिसकिएका स्टल ब्यवशायीहरुलाई अर्को सुचना जारी भएपछि पुन सोही स्टल उपलब्ध गराउने समेत जानकारी गराउदछौ । पोखरा महोत्सव युनाईटेड क्लवको मात्र नभइ सम्पूर्ण पोखरेलीको महोत्सव भएकाले हामीलाई आगामी दिनमा पनि विगतमा झै साथ र सहयोग गर्नुहुनेछ भन्नेमा हामी विश्वस्त छौ । महोत्सव स्थगित गरिएतापनि युनाईटेड क्लवले लिएको शिक्षा, स्वास्थ्य, खेलकुद, पर्यटन प्रवद्र्धन, सेती नदी संरक्षण र विपत ब्यवस्थापनमा गर्दै आएको कामलाई निरन्तरता दिने छौ ।
धन्यवाद ।
नोट ः अर्को सुचना जारी नभए सम्म पोखरा महोत्सव २०७८ सम्बन्धी प्रचार प्रसारका सम्पूर्ण कामहरु स्थगित गरिदिन समेत पोखराका सम्पूर्ण सञ्चारमाध्यामहरुलाई अपिल समेत गर्दछौ ।
