बैशाख १६ ,पोखरा
नेकपा एमालेका उम्मेदारहरु सूर्य चिन्ह अंकित झण्डा बोकेर भोट माग्न घरदैलोमा निस्किसकेको नेकपा एमाले गण्डकी प्रदेश कमिटिका सचिव धञ्जय दवाडीले बताउनुभएको छ । नेकपा एमाले गण्डकी प्रदेशको प्रचार डेस्कमा पत्रकार रामजी लम्सालसंगको कुराकानीका क्रममा उहाँले मत माग्न घरदैलोमा पुग्ने एमाले उम्मेदावरले गण्डकी प्रदेशका जनतासंगबाट न्यानो माया र सत्कार पाउने विश्वास व्यक्त गर्नुभयो ।
नेकपा एमाले गण्डकी प्रदेश सभा सदस्य समेत रहनुभएका दवाडीले यसपटकको स्थानिय निर्वाचनमा एमालेले यो प्रदेशमा विगतको भन्दा अझै राम्रो नजिता ल्याउने ठोकुवा लगाउनुभयो । पाँच वर्ष अगाडी एकल रुपमा ३५ पालिकामा जित हाँसिल गरेको जानकारी दिंदै पहिला कमजोर देखिएका पालिकाहरुमा पनि अहिले एमालेको अवस्था निकै सुध्रिढ भएको दावी गर्नुभयो ।
‘अहिले पुरानो भन्दा राम्रो नजिता ल्याउने प्रशस्त आधार छन् । हामीले गरेका काम, पार्टीले हाँसिल गरेको लोकप्रियता, जनतासंग प्राप्त विश्वास हाम्रो जितको प्रमुख आधार हो’– दवाडीले भन्नुभयो ।
गण्डकी प्रदेशमा पार्टि फुटको कुनै असर नभएको उहाँको भनाई छ । ‘बाटो बिराएका गएका साथीहरु फर्किइसकेका छन् । घाउ लागेपछि दाग त देखिन्छ, तर खोट बनिसकेको छ, त्यसको असर छैन’–उहाँले भन्नुभयो । सर्वोच्चको परमादेसबाट आएको यो सरकारसंग जनताको कुनै आशा, भरोसा र आधार नरहेकोले यो सरकारलाई जनताले निर्वाचनमार्फत बढार्ने ठोकुवा लगाउनुभयो ।
