वैशाख १९,पोखरा
नेकपा एमालेका केन्द्रिय सदस्य बालासिंह काउछा मगरले गठबन्धनका क्रियाकलाप देख्दा हाँसो उठेर आउने बताएका छन् । नेकपा एमाले प्रचार बिभागले गरेको स्थानिय तह निर्बाचन केन्द्रीत फेसबूक लाइभ कार्यक्रममा बोल्दै सो उनले गठबन्धनभित्र आन्तरिक चरम द्वन्द रहेको दावी गरे ।
काउछाले कास्कीमा एमालेको लहर छाएको बताउँदै यहाँका पाँचवटै पालिका तथा ७२ वडामा एमाले निकै बलियो रहेको औल्याए । ‘हाम्रा उम्मेदवारहरु शसक्त रुपमा घरदैलोमा पुगेका छन्, हाम्रा उम्मेदारलाई भेट्दा मतदाताहरुमा पनि ठूलो उत्साह देखिएको छ, यो स्थानिय निर्वाचनमा हाम्रो जित सुनिश्चित छ’–उनले भने ।
एमालेले गरेका जनलोकप्रिय कार्य तथा अहिले ल्याएका थप महत्पूर्ण योजनाहरुले पनि जनतामा एमालेतर्फ आकर्षण बढेको काउछाको तर्क छ । एमालेले परिवर्तनको पक्षमा धेरै योजनाहरु ल्याएको बताउँदै परिवर्तनको संवाहक एमालेनै भएको उनले बताए । एमालेको लोकप्रियता देखेर गठबन्धन अत्तालिएको उनको भनाई छ । यो देशको असली कम्युनिष्ट एमालेनै हो भन्ने जनताले बुझिसकेको उनले प्रष्ट पारे ।
