पोखरा
पोखरा महानगरपालिका प्रमुख पदका स्वतन्त्र ९अटेरी० उम्मेद्वार गनेस पौडेलको गनेस पौडेलको वर्णमाला सार्वजनिक भएको छ । पोखरा लक्ष्य २०७९ कार्ययोजनामा समावेश मुख्य मुख्य बुँदालाई टिपेर पोखराको विकासका लागि गनेस पौडेलको वर्णमाला नाममा सार्वजनिक गरिएको हो ।
उम्मेद्वार पौडेलको वर्णमालामा कार्ययोजना पत्रमा समावेश क देखि ज्ञ सम्म मुख्य योजनाहरु राखिएको छ । महानगरिय मोबाइल एप सञ्चालनदेखि सार्वजनिक सम्पत्तिको अतिक्रमण निर्वाचित भएको २ महिना भित्र छानबिन र कारबाहीको प्रतिक्रया अघि बढाउने, महानगरलाई बुटिक सहरको अवधारणा अनुसार सहरी सौन्दर्यका योजना अघि बढाउने लगायतका योजना रहेका छन् ।
आफूलाई अटेरी भन्न रुचाउने यो समुहको पोखरा महानगर प्रमुख सहित १० वडाध्यक्ष र ६ वडासदस्य गरि १७ पदका लागि स्वतन्त्र उम्मेद्वारी दर्ता भएको छ । हाल अटेरी अभियान चुनावी घरदैलोमा टोल टोलमा पुगी रहेको अटेरीका निर्वाचन अभियान संयोजक हरि कार्कीले बताए । वडा नम्बर ३, ७, ८ र ९ नम्बर वडामा अटेरीले चुनावी गरदैलो पनि सम्पन्न गरि सकेको छ ।
