पोखरा
एमाले पोखरा –१५ का अध्यक्ष पदका प्रत्यासी तोरण बहादुर बानियाँले आफ्ना प्रतिस्पर्धीको तस्बिर सार्वजनिक गर्दै आफूहरुबीचमा मित्रता र सद्भाव रहेको बताएका छन्।
बानियाँले सामाजिक संजाल फेसबुक मार्फत पोखरा –१५ को नेतृत्व लिन अगाडि बढेका ‘आदरणीय अग्रज व्यक्तित्व’ भन्दै राप्रपाका चित्र बहादुर भण्डारी र काँग्रेसका मिन बहादुर गिरीसहितको तस्बिर राखेर उक्त कुरा बताएका हुन् ।
आगामी बैशाख ३० गते हुन गइरहेको स्थानीय तहको चुनावमा वडा नं –१५ बाट तीनै जनाले वडा अध्यक्ष पदका लागि उम्मेदवारी दिएका छन् ।
नेकपा एमालेको बलियो पकड मानिएको वडा नं –१५ मा यसपाली नेपाली काँग्रेस, एकिकृत समाजवादी र माओवादी लगायतका दलले गठबन्धन गरेका छन् । यद्यपी, सहयोगी भावना, मृदुभाषी, सरल व्यवहार र स्वच्छ छवीका कारण समाजमा बेग्लै पहिचान बनाईसकेका युवा नेता बानियाँलाई पार्टी नभई व्यक्ति हेर्नुपर्ने भन्दै यसपाली वडाको नेतृत्व उनलाई नै दिनुपर्नेमा अधिकांश वडावासीको मत रहेको छ ।
