Home » लायन्स टुरिजम सिटीको सहयोग सामुदायिक विद्यालयलाई

लायन्स टुरिजम सिटीको सहयोग सामुदायिक विद्यालयलाई

by Pokhara City

पोखरा १० असार

पोखराको लायन्स क्लव अफ पोखरा टुरिजम सिटीले सामाजिक उत्तरदायित्वको कार्यक्रम अन्र्तगत सामुदायिक विद्यालयका विद्यार्थीलाई पोशाक तथा झोला वितरण गरेको छ । पोखरा–३१ सुन्दरीडाँडा स्थित अरुणज्योती आधारभुत विद्यालयमा अध्ययनरत ५० जना छात्र छात्राका लागि स्पोर्टस ट्रयाक सुट तथा स्कुल व्याग सहयोग गरेको हो ।

कार्यक्रममा बोल्दै क्लबका अध्यक्ष एकराज गिरीले आफुले अक्षर चिनेको स्कुलमा सहयोग गर्न पाउँदा खुसी व्यक्त गर्नुभयो । उहाँले सामुदायिक स्कुललाई सबैले अपनत्व ग्रहण गरि गुणस्तरिय शिक्षा प्रदान गर्ने गरि शिक्षामा स्तरोन्नती गर्नुपर्ने बताउनुभयो ।

अरुणज्योती विद्यालय व्यवस्थापन समितिका अध्यक्ष बीरेन्द्र ढकालले २०७२ सालको भुकम्पले क्षति पुर्याएको स्कुलमा सामाजिक संस्थाहरुकै सहयोगमा भौतिक पुर्वाधार निर्माण गर्न सकिएको बताउनुभयो ।

कार्यक्रममा विद्यालयका प्रधानाध्यापक राजेन्द्र पौडेल, मनिनेस ग्रुपका प्रकाश सुबेदी , क्लबका पुर्व अध्यक्ष सुदिप पौडल, निरज पन्त, लगायतले बोल्नुभएको थियो । क्लबका अध्यक्ष एकराज गिरीको अध्यक्षतामा भएको कार्यक्रमको सञ्चालन सचिव सन्जय मल्लले गर्नुभएको थियो ।

कार्यक्रममा मनिनेस ग्रुपले सहकार्य गरेको थियो । कार्यक्रममा क्लबका पूर्व अध्यक्ष विष्णुबावु खड्का, विनय थापा, पदम पाण्डे, रेडियो अन्नपूर्ण ९३.४ मेगाहर्जका मार्केटिंग म्यानेजर निराजन पौडेल, सुन्दरीडाँडा प्रहरी चौकीका इन्चार्ज गणेश सिंह ऐर लगायतको उपस्थिती रहेको थियो।

You may also like