२०७९ फागुन १५ गते
पोखरा। गन्नी एफसी फुटबल क्लवको आयोजनामा ‘प्रथम फ्लो फ्लो कप’ सेभेन ए साइड खुल्ला फुटबल प्रतियोगिता आजबाट सुरु भएको छ ।प्रतियोगिता सुरु भएसगैं सोमबार ६ खेल सम्पन्न भएको हो।
सोमबार सम्पन्न पहिलो खेलमा सीतलज्योती एफसीले बिजयपुरलाई ३ र १ गोल अन्तरले पराजित गर्दै अघिल्लो चरणमा प्रवेश गर्न सफल रहयो ।
यस्तै दास्रो खेलमा दीप १६ले एनएम वाइ सीलाई ३र२ गोल अन्तरले पराजित गर्दै अघिल्लो संस्करणमा प्रवेश गर्न सफल रहयो भने तेस्रो खेलमा रामघाटले म्याग्दी चोकलाई २र० गोल अन्तरले पराजित गर्दै अघिल्लो चरणमा प्रवेश गर्न सफल भयो ।
चौथो एलजी एकता र खरबारी एफसी बीचको खेलमा एलजीले खरबारीलाई २र१ अन्तरले बिजयी गर्दै अघिल्लो चरणमा प्रवेश गनृ सफल रहयो । त्यसैगरी पाचौं खेलमा भने रत्न समाजले ३र० गोल अन्तरले लेकसाइडलार्इ पराजित गर्दै अघिल्लो चरण प्रवेश गर्न सफल रहयो । यस्तै छटौ खेलमा निकी एफसीले १र० गोल अन्तरले सिरेस एफसीलार्इ पराजित गर्दै दोस्रो चरण प्रवेश गर्न सफल भयो ।
प्रतियोगिताको विजेतालाई शिल्ड, मेडल तथा प्रमाणपत्र सहित २ लाख एघार हजार १ सय ११ रुपैया प्रदान गरिने जानकारी दिए । उनका अनुसार उपविजेताले शिल्ड, मेडल तथा प्रमाणपत्र सहित १ लाख ५ हजार ५ सय ५५ रुपैयाँ प्राप्त गर्नेछन् ।
यस्तै प्रतियोगिताको सर्वोत्कृष्ट खेलाडीलाई ट्रफि सहित ७ हजारद्वारा पुरस्कृत गरिनेछ ।अध्यक्ष क्षेत्रीले उत्कृष्ट गोलरक्षक र सर्वाधिक गोलकर्तालाई जनही ५र५ हजार रुपैयाँ र ट्रफि प्रदान गरिने बताए । प्रतियोगिता पोखरा महानगरपालिका १३ माछापोखरी खेल मैदानमा फागुन १४ गते देखि २० गतेसम्म सञ्चालन हुने क्लबका अध्यक्ष गणेश क्षेत्रीले जानकारी दिए ।
