पोखरा, २८ असोज
पर्वत जिल्ला, फलेवास नगरपालिका वडा नं.९ भँगराबाट पोखरामा आई बसोबास गर्ने भँगारेहरुको समाज भँगरा पोखरा सम्पर्क समाजले शुभकामना आदानप्रदान कार्यक्रम सम्पन्न गरेको छ। नेपालीहरुको चाडपर्वहरु दशै, तिहास, छठ, ल्होछार लगायतको चाडपर्व आगमनको अवसरमा शुभकामना आदान प्रदान कार्यक्रम गरेको हो।
कार्यक्रममा प्रमुख अतिथि समाजका संस्थापक अध्यक्ष हुतराज गुरुङ, निवर्तमान अध्यक्ष नविन पौडेल क्षत्री, सल्लाहकार एवम तमु धिं नेपालका नवनिर्वाचित अध्यक्ष हुमबहादुर गुरुङ, सल्लाहकार एवम ज्ञानुबाबा उच्चमाविका संस्थापक कृष्णबहादुर गुरुङ, सल्लाहकार पुर्व डिएसपी गिरीधारी शर्मा, सल्लाहकार ओमबहादुर पौडेल, ज्ञानुवावा उच्च माविकी प्राचार्य शुभकन्या गुरुङ, समाजका राजकुमार गुरुङ, बाबुराज पौडेल, बाबुराम सुवेदी, सिर्जना शर्मा, थानेश्वर पौडेल क्षेत्री लगायतले शुभकामना मन्तव्य व्यक्त गर्नुभएको थियो।
कार्यक्रम तमु धिं नेपालका पुन:निर्वाचित अध्यक्ष हुमबहादुर गुरुङ, जन्मदिन गरेका बाबुराम सु्वेदी, कार्यक्रममा सहभागी जेष्ठ सदस्य डिलबहादुर गुरुङको दम्पत्तिलाई बधाई तथा सम्मान गरिएको थियो।
समाजका अध्यक्ष खड्क बहादुर पौडेलको अध्यक्षतामा भएको कार्यक्रममा उपाध्यक्ष देव क्षेत्रीले स्वागत र सचिव कृष्णप्रसाद भुषालले कार्यक्रम संचालन गर्नुभएको थियो।
