म्याग्दी
मिति २०८१।०४।३० गते बिहान अन्दाजी ०९ः५० बजे जिल्ला म्याग्दी अन्नपुर्ण गाउँपालिका ७ हिस्तान स्थितमा ग १ ज ७९४५ नम्बरको बलेरो जिप रोकि राखेको अवस्थामा अचानक पछाडि ब्याक हुन गई सडक देखी ५० मिटर तल खस्न गई दुर्घटना हुँदा उक्त बलेरो जिपमा सवार ४ जना घाईते भई उपचारको लागि बेनि अस्पताल पठाएकोमा उपचारको क्रममा १ जनाको मृत्यू भएको छ भने अन्य ३ जनाको उपचार भईरहेको छ । उक्त दुर्घटनामा जिल्ला म्याग्दी अन्नपुर्ण गाउँपालिका ७ हिस्थान बस्ने बर्ष ६४ को भिम बहादुर पुनको उपचारको क्रममा मृत्यू भएको हो । त्यस्तै दुर्घटनामा घाईते हुनेहरुमा सोही स्थान बस्ने बर्ष ४१ को कुमार पुन, चालक बर्ष ३६ को केशव पुन र बर्ष ७१ को विर बहादुर गरबुजा रहेका छन् । घटना सम्बन्धमा थप अनुसन्धान भईरेहको छ ।
