अभौतिक मुद्रा (क्रिप्टोकरेन्सी) प्रयोग तथा जुवा वा सट्टावाजी गर्न नहुने कसूरमा ५ जना मानिस पक्राउ
मिति २०८१।११।२३ गते अं.१७:०० बजे जिल्ला कास्की पोखरा महानगरपालिका वडा नं. १४ अनुपम टोल स्थितमा शंकास्पद गतिविधी भईरहेको भन्ने गोप्य सूचानाको आधारमा नेपाल प्रहरी प्रदेश कार्यालय पोखरा र जिल्ला प्रहरी कार्यालय कास्कीबाट प्र.उ. श्याम बाबु ओलियाको कमाण्डमा संयुक्तरुपमा खटिएको प्रहरी टोलीले ५ जना व्यक्तिहरुलाई नियन्त्रणमा लिई अनुसन्धान कार्य अगाडी बढाईएको ।
उक्त स्थानमा जिल्ला पर्वत स्थायी घर भएका रुपेन्द्र जि.सी.को साढे ३ तलाको घरबाट क्रिप्टो करेन्सी कारोवार, अनलाईन जुवा/ सट्टावाजी मा प्रयोग गरिएको भनिएका विभिन्न ईलेक्ट्रोनिक डिभाईसको फेला परेको ।
• मोवाईल फोन- ३१ थान,
• कम्प्युटर मनिटर- २ थान,
• कम्प्युटर CPU- ३ थान
• ल्याप्टप- ४ थान,
• I pad- १ थान,
• किवोर्ड- २ थान,
• माउस- १ थान,
• राउटर- ४ थान,
• पेनड्राईभ- ३ थान,
• हार्डडिक्स- १ थान,
• मल्टिपल्क- १ थान,
• चार्जर- ११ थान,
• USB पोर्ट सहितको स्टेण्ड- १ थान,
• स्टेम्प छाप- १ थान
• नगद रु.७२,५००।- लगाएतका सामानहरु बरामद भएको ।
पक्राउ व्यक्तिहरुको विबरण
निजहरुले आफ्नो तथा आफन्तको नाममा विभिन्न बैंकहरुमा खाता खोली कारोवार गरेको ।• Whats app, Telegram, cash app, chime app, USDT (Tether) मार्फत तत्काल उपलब्ध डिटेलस अनुसार Gambling अन्तर्गत रु.१५,००,००,०००।– (पन्ध्र करोड) र अभौतिक मुद्रा को १५,००,००,०००।– गरी रु.३०,००,००,०००।- कारोवार भएको ।
• दैनिक 3 shift खेलाउने, कम्तिमा एक सिफ्टको $ 3000 को दरले online gambling गराउने गरेको ।
• निजहरुलाई अभौतिक मुद्रा प्रयोग र जुवा खेल्न वा सट्टेबाजी गर्न नहुने कसूरमा सम्बन्धमा अनुसन्धान प्रकृया अगाडी बढाईएको ।
• सम्मानित जिल्ला अदालत बाट ७ दिन को म्याद थप भएको ।
