Home » जनताको अवस्था बदल्न माओवादीलाई भोट दिनूस् ः नेता करण

जनताको अवस्था बदल्न माओवादीलाई भोट दिनूस् ः नेता करण

by Pokhara City

पोखरा, बैशाख २०

नेकपा माओवादी केन्द्रका केन्द्रीय सदस्य तथा कास्की ईञ्चार्ज राजकाजी गुरुङ (करण)ले जनताको अवस्था बदल्न माओवादीको विकल्प नभएको बताएका छन् ।
नेकपा माओवादी केन्द्रको पोखरा महानगरपालिका वडा नम्बर १ मा मंगलबार आयोजित घरदैलो कार्यक्रममा बोल्दै उनले भने,‘ब्यबस्थापनि माओवादीका कारण बदल्यौं, अब जनताको अवस्था बदल्नपनि माओवादीलाई नै भोट दिऔं ।’ माओवादीको जनयुद्धका कारण ब्यबस्था बदलिएको र अब अवस्था बदल्नपनि माओवादीलाई नै भोट दिनुपर्ने उनको भनाई थियो ।

माओवादी नेता करणले माओवादी विकास र समृद्धिको बाहक भएको बताए । ‘अरुले पटकपटक अवसर पाएपनि न विकास गरे नत समृद्धि ल्याउन सके, अब विकास र समृद्धिका लागिपनि माओवादीलाई भोट दिनूस्’–उनले भने । उनले एमालेलाई भोट दिनु भनेको नेपाललाई थप पछाडि धकेल्नु भएकोपनि आरोप लगाए ।


नेपाल कम्युनिष्ट पार्टी(माओवादी केन्द्र))बाट पोखरा महागनरपालिका–१ का वडाध्यक्षका उम्मेदवार भानुभक्त अधिकारीले वडावासीलाई स्थानीय सरकारले अनुभुति गराउने बताएका छन् । चुनावी घरदैलोका क्रममा उहाँले विजयी भएपछि वडाको सेवालाई जनमैत्री बनाइने प्रतिवद्धता जनाउँदै मत मागे ।
वडालाई स्मार्ट वाडको रुपमा विकास गर्न र समृद्ध वडा बनाउने अभियानमा माओवादी (केन्द्र)को विकल्प नरहेकामा जोड दिए । वडा न.१ मा विकासको काम बाटो, खानेपानी, सिंचाई, आवास, शिक्षा ,भौतिक पूर्वाधार वातावरण मैत्री पुर्वाधार ,स्वास्थ्य क्षेत्र साथै उत्पादनमुखि क्षेत्रमा परिणाममुखी काम गर्नको लागि प्रतिवद्धता जनाउँदै उनले गोलाकार धेराभित्र रहेको हसियाँ हतौडा चिन्हमा मतदान गरी आफ्नो टिमलाई विजयी गराउन आग्रह गरे । माओवादी केन्द्रले सो वडामा अध्यक्षमा अधिकारी र महिला सदस्यमा मीना कोइराल, दलित महिला सदस्य कल्पना दमाईं, खुला सदस्य रुद्रप्रसाद लुइटेल र धनबहादुर तामाङलाई उम्मेदवार बनाएको छ ।

माछापुच्छ«ेमा माओवादी केन्द्रको चुनावी अभियान ः सेवा लिन कार्यालय पुग्दा अहिलेजस्तो अपमानित हुनु पर्दैन ः उम्मेदवार अधिकारी
पोखरा,२० वैशाख । नेपाल कम्युनिष्ट पार्टी(माओवादी केन्द्र)ले कास्कीको माछापुच्छ्रे गाउँपालिकामा स्थानीय तह निर्वाचन लक्षित गतिविधि तीव्र बनाएको छ ।
माओवादी केन्द्रबाट गाउँपालिका उपाध्यक्षका उम्मेदवार प्रविना अधिकारी नेतृत्वको टोलीले मंगलबार वडा नं १ का रुम्जा, कपुचे, करुवा, धिप्राङ लगायतका स्थानमा घरदैलो सहित मत मागेका थिए ।
माओवादी केन्द्रले माछापुुच्छ्रेमा उपाध्यक्ष सहित अधिकाँस वडामा एकल उम्मेदवारी दिएको छ भने केही वडामा गठबन्धनमा सहभागी छ ।
घरदैलोपछिको कोणसभालाई सम्वोधन गर्दै गाउँपालिका उपाध्यक्षका प्रत्याशी अधिकारीले माओवादीले नेतृत्व गरेको अवस्थामा गाउँपालिकामा सेवा लिन जाँदा सेवाग्राही अपमानित हुनु नपर्ने बताइन् । उनले भनिन्,“ निर्वाचित जनप्रतिनिधिले जनतालाई सहज सेवा प्रवाह नगर्ने र कतिपय अवस्थामा अपमानित समेत हुनुपरेको गुनासा बढी छन् । हामीले जनतालाई सम्मानपूर्वक सेवा दिने छौँ ।”
उपाध्यक्षका प्रत्याशी अधिकारीले सबै वडामा समानुपातिक बजेट विनियोजन गरिने र दलित, महिला र युवाका लागि विशेष योजना ल्याउने योजना रहेको जानकारी दिए ।
कार्यक्रममा पार्टीका गण्डकी प्रदेश कमिटी सदस्य आसमान रोकाले परिर्वतनको संवाहक माओवादी केन्द्रको नेतृत्व स्थानीय तहमा स्थापित हुँदा मात्र जनताका अपेक्षा पूरा हुने बताए । उनले माओवादीको बलिदानीपूर्ण संघर्षका उपज स्थानीय तहको स्थापना रहेको उल्लेख गरे । कार्यक्रममा गाउँ कमिटीका उपाध्यक्ष गोपाल पोखरेलले माछापुच्छ्रेको समृद्धि र विकासका लागि माओवादी उम्मेदवारलाई मतदान गर्न आग्रह गरे ।
घट्टेखोला खानी गाउँ सडक कालोपत्रेका लागि पहल गछौँ
यसैबीच माछापुच्छ«े–७ का माओवादी केन्द्रका वडाध्यक्ष उम्मेदवार बैकुण्ठ भण्डारीले वडाका लेककुना, लालटिन बजार, हिशशिखर टोलमा मंगलबार घरदैलो गरेका छन् । अध्यक्षका उम्मेदवार भण्डारीले सांकृतिक कार्यक्रम सहित घरदैलो गर्दै पर्यटकीय गन्तव्य धम्पुसको थप प्रवद्र्धन र विकास आफ्नो योजना रहेको बताए ।
भण्डारीले धम्पुस प्रवेशको मुख्य सडक घट्टेखोला–देउराली सडक कालोपत्रेका लागि पहल गर्ने र वडाका कच्ची सडकहरुलाई वर्खामा पनि यातायात सञ्चालन हुने व्यवस्था मिलाइने प्रतिवद्धता जनाए ।
वडा नं ३२ मा शहीदप्रति श्रद्धाञ्जली र घरदैलो
नेपाल कम्युनिष्ट पार्टी(माओवादी केन्द्र)) पोखरा–३२ ले सुरु गरेको निर्वाचन लक्षित घरदैलो कार्यक्रममा जनसहभागिता बढिरहेको छ । स्थानीय तह निर्वाचनमा एकल उम्मेदवारी दिएको माओवादीले केही दिनदेखी सो वडामा निरन्तर घरदैलो गरेर भोट मागिरहेको छ ।
मंगलबार तालखोलाबाट सुरु भएको घरदैलोमा जनयुद्धका क्रममा शहीद भएका छोटेलाल चौधरीको स्मरणमा देउराली फेदीमा श्रद्धाञ्जली कार्यक्रम आयोजनारी शहीदप्रति सम्मान व्यक्त गरिएको थियो । तालखोला, कपुजे, मालेपाटन, ढोरवेशी, देउराली फेदी हुँदै आँपुखोलासम्म घरदैलो गरिएको थियो ।
सो वडामा माओवादी केन्द्रले वडाध्यक्षमा भवानी पौडेललाई उम्मेदवार बनाएको छ । खुला सदस्यमा अर्जुन मल्ल र गोकुल विक, महिला सदस्य गंगा पौडेल र दलित महिला सदस्य बसन्ती विक रहेको वडा कमिटीका अध्यक्ष यज्ञप्रसाद अधिकारीले जानकारी दिए ।
‘खानेपानी, सडक र सिंचाईलगायतको विकासका लागि माओवादीलाई भोट’
पोखरा–२८ का माओवादी केन्द्रका उम्मेदवारले खानेपानी, सडक र सिँचाई लगायतका पूर्वाधार विकासका लागि माओवादीलाई मत दिन आग्रह गरेका छन् । चुनावी अभियानमा होमिएको माओवादीका उम्मेदवारले महानगरका अन्य वडाहरुभन्दा विकासमा पछि परेको वडा नं २८ को विकासका लागि एक पटक माओवादीलाई जिताउन आग्रह गरे ।
बेत्यानीबाट घरदैलो सुरु गरेको उम्मेदवारले नौरुङ, डाडाँगाउँ, सौर्य बजार, लामिछाने गाउँव र थापा गाउँमा पार्टीलाई जिताउन आग्रह गर्दै मत मागे माओवादी केन्द्रले वडाध्यक्षमा श्यामबहादुर केसी, खुला सदस्यमा यज्ञप्रसाद तिवारी, पुष्पराज त्रिपाठी, महिला सदस्य गंगादेवी ओझा भुर्तेल र दलित महिला सदस्यमा सुकुमाया नेपाली उम्मेदवार बनाएको छ ।

अन्नपूर्णमा माओवादीको चुनावी सरगर्मी बढ्दै
स्थानीय तहको निर्वाचन मिति नजिकिदै गर्दा नेपाल कम्युनिष्ट्र पार्टी (माओवादी केन्द्र) अन्नपूर्ण गाउँपालिकाले घरदैलो अभियानलाई तीब्रता दिएको छ ।
त्यस क्रममा सुरुका दिनहरुको तुलनामा नेता, कार्यकर्ता तथा जनसहभागि पनि बढ्दै गएको छ ।सयौंको सहभागितामा आज मंगलवार स्थानीय मराउँचे, ठूलाचौर, सेराचौर लगायतका स्थानमा घरदैलो गरिएको हो ।
घरदैलोका क्रममा जनताले परिवर्तनको संवाहक पार्टी माओवादी भएको भन्दै गोलाकार भित्रको हसियाँ हैथौडामा मत दिने प्रतिबद्धता जनाए ।
यस्तै माओवादीले भोली बुधवार पाउँदुर, काँडे, गोलडाँडा, लक्ष्मीदेउराली, रयाले लगायत भदौरे र सल्यानमा चुनावी अभियान सम्पन्न गर्ने पनि जनाएको छ ।

You may also like